सङ्क्रमण रोग

• खोकिको बिभिन्न कारण हुनसक्छ ।
•तपाईंलाई धेरै दिनदेखिको खोकि, खकारमा रगत, हलुका ज्वरो, तौलमा घटि, कमजोर हुने जस्ता लक्षण छन भने क्षयरोग (टि.बि.) लागेको हुनसक्छ ।त्यसो हो भने तुरुन्तै डाक्टरकोमा गएर जचाउन एकदम जरूरी छ ।
• यदि तपाईंलाई ज्वरो जस्ता COVID-19 लक्षणहरू छन् भने, क्लिनिक वा अस्पतालमा जानु अगाडि सोधेर मात्र जानु होस्।
कोभिड-१९, इन्फ्लुएन्जा, आदि जस्ता सरुवा रोग र क्षयरोग दुबैमा खोकि, सास फेर्न गार्हो हुने, ज्वरो र कमजोरी देखिन सक्छ । एउटामात्रै फरक रोग बढ्ने गती हो । धेरैजसो क्षयरोगको लक्षण देखा पर्न महिनादिन देखी २ बर्षसम्म लाग्छ,
र क्षयरोग संक्रमण भएको १० जनामध्य १-२ जनामा मात्र लक्षण देखिन्छ ।
तर कोभिड-१९, इन्फ्लुएन्जा, आदिको संक्रमण भएको केहि दिनमै लक्षण देखिन सुरु हुन्छ । दुईमध्य जुनपनी रोगको लक्षण देखिएमा छिटोभन्दा छिटो जाँच गरी उपचार गराउन जरुरी छ ।

• क्षयरोग औषधीले निको हुने रोग हो । उपचारको समय सामन्यतय ६ महिना हो, तर त्योभन्दा लामो समय पनि लाग्न सक्छ । यदि तपाईंको फोक्सोको क्षयरोगले अरुलाई संक्रमण गर्ने संभावना बढी छ भने, तपाईंलाई केही समयको लागि अस्पतालमा भर्ना गर्नुपर्ने हुन सक्छ।
उपचार खर्च सार्वजनिक कोषबाट बेहोरिन्छ।
• अस्पतालमा डाक्टरहरुले दिएका निर्देशन सबै अवश्य पालना गर्नुहोला ।
यदी तपाईंको रोगका लक्षण त्यती नराम्रा भैसकेका छैनन भने तपाईंले अस्पतालमा भर्ना नभई ओ पि डि बाटै उपचार पाउन हुन सक्नुहुनेछ । उपचार सुरु भैसकेपछी सधैको जस्तो काममा पनि जान सक्नुहुनेछ ।
रोग लाग्दैमा नेपाल फर्किन नै पर्छ भन्ने छैन ।
क्षयरोग बारे थप जान्नुहोस्!
क्षयरोग लागे पनि कुनै लक्षण नदेखिने अवस्थाहरू पनि छन्। साथै, औषधि खाएर लक्षणहरू नदेखिएको भनेको , निको भएको होइन । यदि तपाईंले क्षयरोगको उपचार बीचैमा बन्द गर्नुभयो भने, तपाईंलाई औषधिले निको नहुने क्षयरोग (औषधि प्रतिरोधी क्षयरोग भनिन्छ) हुन सक्छ।त्यसैले औषधि खान सुरु गरेपछि, निको भएको पुष्टि नभएसम्म तपाईंले हरेक दिन औषधि सेवन गरिरहनुपर्छ।
कहिलेकाहीँ लक्षण देखिनु वा बिरामी हुनुभन्दा पहिले नै क्षयरोगको संक्रमणको निदान गर्न सकिन्छ (जसलाई लेटेन्ट/सुषुप्त क्षयरोग संक्रमण भनिन्छ), र यस्तो अवस्थामा औषधि सेवन गर्नाले लक्षण देखिनु वा बिरामी हुनुबाट जोगिन सकिन्छ ।

यदी तपाईंलाई एच .आइ. भि. रोग लागेको शंका छ भने तुरुन्तै जाँच गराउन पर्छ ।एच .आइ. भि .रोग को जाँच सामाजिक स्वास्थ्य संस्थामा नि:शुल्क गराउन सकिन्छ ।

सकेसम्म चाँडै एच. आइ. भि. रोगको औषधी उपचार सुरु गर्नु भयो भने आजभोलि त लग्भग रोग लाग्नुभन्दा पहिलेको जस्तै जीवन जीउन पाउन सक्नुहुन्छ ।
तपाईंको एच. आइ. भि . टेष्ट पोजिटिभ भएपनी जबसम्म सही उपचार र स्वास्थ्यको राम्रो ख्याल राख्नुहुन्छ, तबसम्म तपाईंको जागिर र भिसा सुरक्षित रहनेछ ।

सार्वजनिक स्वास्थ्य संस्था, परराष्ट्र मन्त्रालय, र जानुपर्ने देशको राजदूतावास बाट जानकारी लिनुहोला ।
जापानको दैनिक समाचारमा रुची राख्दा नयाँ जानकारी पाउन सजिलो हुन्छ । तर गलत समाचार धेरै हुने भएकोले पहिले सार्वजनिक संस्थामा बुझ्दा राम्रो हुन्छ ।
जापानमा सजिलै फैलिने संक्रामक रोगहरू धेरैजसो दादुरा, रूबेला र इन्फ्लुएन्जा रोग खोप लगाएर बच्न सकिन्छ ।
तपाईंलाई कुनै रोगको शंका लागेको छ भने नजिकको क्लिनिक वा अस्पताल जानुहोला । मेडिकल परामर्श लिने तरिका (लिन्क्)