क्लिनिक वा अस्पतालमा कसरी जान्ने भन्ने तरिका र स्वास्थ्य बीमा सम्बन्धी नीतिहरू

• स्वास्थ्य बीमा भन्नाले चोटपटक वा बिरामी पर्दा लाग्ने उपचारखर्चलाई सबैले साझेदारी गर्ने प्रणाली हो।
• जापानमा सबैजना कुनै न कुनै प्रकारको स्वास्थ्य बीमामा संलग्न हुनु अनिवार्य छ।
• यो विदेशी नागरिकहरूमा पनि लागू हुन्छ।
• स्वास्थ्य बीमामा संलग्न हुनको लागि, बिरामी नभएको बेलामा पनि मासिक रुपमा स्वास्थ्य बीमा शुल्क भुक्तानी गर्नु अनिवार्य हुनेछ।
• बीमा शुल्क, तपाईले कमाउनु भएको पैसा(तलब) अनुसार फरक हुन्छ ।
• स्वास्थ्य बीमा गर्नु भयो भने, क्लिनिक/अस्पतालहरूमा तिर्नु पर्ने रकम,लागेको जम्मा रकमको 30% मात्र तिरे पुग्छ (70% छुट )।
• तपाईंले क्लिनिक/अस्पतालमा तिर्नु भएको 30% को रकमको हकमा पनि , 「विदेशी प्रशिक्षण व्यापक बीमा」(छोटकरीमा : JITCO बीमा ) समूह आदिमा प्रवेश गर्नु भएको छ भने, सो द्वारा भुक्तानी पाउनु हुनेछ।
• यस अर्थ, तपाई आफैले भुक्तानी गर्नु पर्ने रकम जिरो( 0 ) हुनेछ।
• कृपया यस बारेमा कम्पनीमा बुझ्नुहोस ।
• स्वास्थ्य बीमा अन्तर्गत 「कम्पनीको स्वास्थ्य बीमा 」र「राष्ट्रिय स्वास्थ्य बीमा」गरि
दुई प्रकारका स्वास्थ्य बीमा छन्। यी दुई बीचको भिन्नता तल वर्णन गरिएको छ।

「कम्पनी स्वास्थ्य बीमा」 र 「राष्ट्रिय स्वास्थ्य बीमा」छन् ।
कामदारहरू यी दुई मध्ये कुनै एकमा प्रवेश गर्नु पर्दछ।

साधारणतया सम्भव छैन। अवस्था हेरी (नगद थोरै मात्र भएको बेला, केहि अंश मात्र भुक्तानी गरि, अर्को दिन बाकि रकम भुक्तानी गर्ने आदि )सम्भव हुनसक्ने भएकोले क्लिनिक/अस्पतालमा भुक्तानी गर्ने बेला सोधेर हेर्नुहोस्।

रुघा लाग्ने, पेट दुख्ने जस्ता साधारण लक्षण भएको बेला, नजिकैको क्लिनिकमा जानुहोस्।
गम्भीर रोग या लक्षण वा ठूलो चोटपटक लागेको बेलामा भने, कृपया अस्पताल जानुहोस्।

अस्पताल जाँदा, कृपया पैसा (नगद) र वैध स्वास्थ्य बीमा कार्ड वा सो सरहको कागजात (जस्तै योग्यता पुष्टिकरण पत्र वा स्वास्थ्य बीमा कार्ड भएको माई नम्बर कार्ड) ल्याउनुहोस्। यदि कुनै थाहा नपाएका कुरा भएको खण्डमा , कृपया आफ्नो वरपरका मानिसहरूलाई सोध्नुहोस्।

लागू भएमा लग्नु पर्ने कुराहरू: हाल खाई रहनु भएका औषधिहरु, विगतको स्वास्थ्य परीक्षणको नतिजा/रिपोर्ट , चिकित्सा जाँच तथा रोगको बारेमा लेखिएको कागजात (रिपोर्ट), आदि।t)
• ※परिचयपत्र (जाइर्यू कार्ड या राहदानी) पेश गर्नु पर्ने अवस्था आउन सक्ने भएकोले, सँगै लग्ने गर्नुहोस्।
• ※स्वास्थ्य बीमा कार्ड नलग्नु भएमा वा स्वास्थ्य बीमामा सामेल नहुनु भएको अवस्थामा , सम्पुर्ण रकम आफैंले भुक्तानी गर्नु पर्नेछ।

तपाईं जाने चिकित्सा विभाग तपाईंको रोग वा चोटपटक अनुसार निर्धारण गरिनेछ।

1. जापानी भाषा अलि अलि बुझ्नुहुन्छ भने, मोट्टो खान्तानना निहोनगो दे युक्कुरी ओनेगाई सीमास (कृपया सरल जापानी भाषामा बिस्तारै बोल्नुहोस्)」 भनेर भन्नुहोस्।
2. दोभाषे/अनुवादकको व्यवस्था छ कि छैन? अनुवादकको पैसा लाग्छ कि लाग्दैन? जस्ता कुराहरु अस्पताल जानु अघिनै सोध्नुहोस्।
   ※ केहि ठूला अस्पतालहरूमा 「दोभाषे/अनुवादक」हुन्छ।
3. यद्यपि, त्यस्ता सेवा भएको अस्पतालहरू धेरै छैनन् ।साथै दोभाषे/अनुवादकको लागि प्राय थप पैसा लाग्ने गर्छ। केही अन्तर्राष्ट्रिय संघहरू, विदेशी नागरिक परामर्श केन्द्रहरू, र NPOs ले फोनद्वारा वा प्रत्यक्ष रूपमा अनुवाद सेवा दिन सक्छन्।

1. कृपया कम्पनीको सम्बन्धित व्यक्तिलाई सम्पर्क गर्नुहोस्।
   • ※क्लिनिक/अस्पतालमा जचाउन जान या आराम आदिको लागी काममा बिदा लिन सक्नु हुन्छ। बिदा (तलब पाउने बिदा) लिन पाउनु काम गर्ने व्यक्तिको अधिकार हो।
   • ※काम गर्ने व्यक्ति बिरामी भएको बेला, कुनै निश्चित अवधिको लागि बिदा दिनु पर्ने कुरा कम्पनीको जिम्मेवारी हो। यसलाई बिरामी बिदा भनिन्छ। बिरामी बिदा लिनको लागि चिकित्सा जाँचको रिपोर्ट(Medical Certificate) को आवश्यक पर्न सक्छ, त्यसैले यसबारे आफ्नो कम्पनीसँग सल्लाह लिनुहोस्।
   • ※ कम्पनीमा सम्पर्क नगरीकन बिदा लिनु भयो भने, 「अनुमति बिनाको बिदा」को रुपमा मानिनेछ। जसले गर्दा आफ्नो जागीर जोगाउन गाह्रो हुन पनि सक्नेछ।बिरामीको भएर काममा बिदा लिने बेलामा कम्पनीका सम्बन्धित व्यक्तिलाई साँचो कुरा भन्नुहोस्।
2. क्लिनिक/अस्पतालमा जानुहोस्
3. बिरामीको कारण काममा बिदा लिनुभएको प्रमाण चाहिएको खण्डमा , क्लिनिक/ अस्पतालबाटचिकित्सा जाँचको रिपोर्ट(Medical Certificate) को आवश्यक पर्न सक्छ।
   • ※यस्ता कागजातहरु बनाउनको लागि 3,000येन देखि 5,000येन जति लाग्न सक्छ।

औषधि पसल (फार्मेसी) मा किन्न सकिन्छ। डाक्टरले स्वास्थ्य जाँच गरेपछि आवश्यक औषधि लेखी दिनु भयो भने, सो औषधि लेखेको कागज (प्रिस्क्रिप्शन) लिएर औषधि पसल (फार्मेसी) मा जानु भयो भने किन्न सक्नु हुनेछ।

फार्मेसीहरूमा फार्मासिस्ट भनिने औषधिका विशेषज्ञ हुन्छ। आफुलाई आवश्यक पर्ने औषधि किन्न पाइन्छ कि पाइन्न या कस्तो औषधि किन्दा उचित होला?, औषधि खाने तरिका या अस्पतालमा जाँच गराउने तरीकाको बारेमा नबुझेको कुरा फार्मासिस्टलाई सोध्नसक्नु हुनेछ।